لية الناس بتكذب على بعض ؟؟ ..... نرجو الدخول و النفاش

السلام عليكم ورحمة الله وبركات


انت بتكدب ليه ....؟؟

فاكر كل ناس عبيطه وانت الي بتفهم ولا ايه ...؟؟

فاكر ان الي قدامك مالوش نظر مش بيفهم ولا ايه ...؟؟

تكدب على ده ..وتألف على ده .... وتخدع دي ...
وتضحك على ده .....وتمثل على دي ...
وتعمل حوار على ده...............

أخرتها معاك ايه .........؟؟

ليه اما تكدب على الي قدامك مرة واتنين وتلاتة
تفتكر انه عبيط وساذج وسهل انك تكدب عليه ..؟؟

ليه ماتقولش انه بيقولهالك مرة واتنين وتلاتة دول
عشان مايحطكش فـى موقف وحش ويطلعك كــــــــــــــداب
عشان تفهم نفسك بنفسك وتبطل من نفسك

وكمان عشان خاطر ماتوقعش ف مشاكل بينكم وبيعديها
ليه شاف العكس وشايف انك ذكي اوووووووووووي
وانت بصراحه ساذج اووووووووووووي

ولا تكون فاكر ان الرواية الي بتطلعها ع روحك
وتمثيلات بتاعتك واختراعك للمواقف وقصاص ع نفسك
بيبقى بيزيد قيمتك ........؟؟؟

انت ليه بترسم صورة كلها كدب على نفسك عشان ناس تحبك
كدا حب ناس دي حيبقى كدب عشان مغشوشه فيك
ناسي انها حتحب صورة بني ادام مش موجود غير ف خيالك

ماتخليك طبيعي واصترف لشخصك مش لخيالك
والي يحبك ساعتها لنفسك مش لكلامك الفاضي وكدبك
تقدر تقولي استفدت ايه من الكدب ..؟؟

كام واحد بيحبك بجد متلا ؟؟

بلاش السؤال ده

انت متأكد انهم بيحبك بجد ؟؟

بلاش من سؤال ده كمان ..

ايه الي ضمنلك انهم مش بيكدبه عليك زاي مابتعمل ...؟؟

حتقولي مش ممكن يكدبه عليا....!!
ليه هو انت ع راسك ريشه متلا؟؟
ماحديش بيعرف يعنى يكدب غيرك

ولا كل ناس دي عبيطه الا انت الي فايق اوووووي وبتضحك ع كل
طب والله انت الي بيضحك عليك مش هما

اقرا كلامي ده كويس عشان مواجه ليك انت يالي بتكدب
بص لنفسك شويه وفوق من رواياتك وقصصك الخيالية دى

عيش لنفسك لشخصيتك وبطل ترسم
ماحديش عبيط ف دنيا دي قدك انت ياليى بتكدب
وقبل ماتكون بتضحك ع حد يبقى بتضحك ع نفسك

ــــــــــــــــــــــــــــــــ

ياريت كلامي يكون مفهوم
انا مش عارفه كتبته ليه وازاي
بس طقت ف دماغي اكتب كلام ده
ونفسي بجد اي حد يخش يحط نفسه ف مكان الي بيكدب ده
حتى لو مش بيكدب ......يحاول ينسب كلام ده لنفسه
ممكن ناس كتير مننا تفوق من الي هي فيه
وانا متاكده ان ف ناس كتير بتعمل كدا وزايده
انا كتبت بصيغه مخاطب سواء بنت او ولاد
كلام مش محدود لفئة معينة
بس لينا كلنا
اسفه لو كلامي مش هيعجب فئة معينه


مستنية الردود ورائيكم فى الموضوع ومتنسوش دا للنقاش