الجزىء 2 من ملكش دعوه اى نكته

الجزىء التانى من النكت الى ملهاش حل رقم 2


ونبتدى


1/بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

---------------------------------------------------------------------

مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا

---------------------------------------------------------------------


مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم


---------------------------------------------------------------------

واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه


----------------------------------------------------------------------

مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين


----------------------------------------------------------------------


ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى


----------------------------------------------------------------------


كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

----------------------------------------------------------------------


مرة 10 صعايدة بيلعبوا علي الطريق الدائري الي يدهس مرتين يطلع بره اللعبه


-----------------------------------------------------------------------

واحد غبى لقى قرد فى الشارع .فراح لعسكرى المرور وقاله اود يه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك ود يه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما

-----------------------------------------------------------------------


كان مرة واحد كل يوم يحلم بماتشات عصافير فراح للدكتور وقال له اللى بيحصله والكتور قاله خد الدواء ده النهاردة رد عليه وقال له استنى عشان النهاردة الماتش النهائى

-----------------------------------------------------------------------



ده الجزىء الثانى من النكت وان شاء الله الجزىء الثالت هيكون حاجه تانيه

بس بشرط لما نشوف ردود حلوه وكمان كل واحد يقول احلى نكته عجبته

ولو حتى معجبكش اى نكته قول برده يلا ردود حلوه

مرة استاد سأل طالب في اي فصل يسقط المطر فال له في الفصل اللى مالهوش سقف

يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تحيا حكومة جمهورية مصر العربية

بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق

مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط

واحد بواب اخترع صاروخ ، بعتوه امريكا علشان يسجل الأختراع بتاعه، العلماء قالوله استنى دورك قالهم : انا ما نجدرش نسيب البوابه وحده ، ورجع مصر.
بعد فتره العلماء اطلقوا الصاروخ فطلع كام متر لفوق ، حاولوا ينزلوه أو حتى يطلعوه مافيش فايده ، بعتوا جابوا المخترع من مصر وقالوله المشكله ، أول ماوصل رفع وشه لفوق وبص للصاروخ وقاله: أقفل الباب ياللى فوق

اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى يوم فى الغدا الحارس بردوا قطعلوا موزة ورمهالوا .. الاسد قال ايه العبط ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله لحمة .. قاله طب ايه الموز ده .. الحارس قاله: 'ماهو انت داخل السعودية بتاشيرة قرد

كان فيه مرة واحد ماعندوش في راسه غير 3 شعرات بس راح للحلاق

فقال للحلاق افرقلي من الجنب

الحلاق جه يفرق من الجنب اتقطعت شعرة

قاله خلاص افرقلي من النص

الحلاق جه يفرق من النص اتقطعت شعرة

فالحلاق قاله ما بقاش فاضل غير شعرة واحدة

قاله انكشها


مذيعة بتسأل واحد حشاش : "تحب تسمع إيه بمناسبة شهر رمضان الكريم؟"

قال لها : "رجب.. حوش صاحبك عني"
ـــــــــــــــــــــــــــــــــــــــــــــ
أستاذ جتله بعثة فى دول أوروبية, فأخذ مراته وراح , وما في تسع شهور وإلا مراته حامل وجابتله ولد أشقرعيونه ملونة , فاستغرب الاستاذ
وسألها: ايه ده.

فجاوبته: أنت بتروح عالمدرسة وأنا بقعد عالبلكون أوروبي رايح وأوروبي جاية الظاهر إني توحمت على شي أوروبي.

فهز راسه الاستاذ وقالها: ما فيش مشكلة.

وبعد فترة جته بعثة على دول جنوب افريقيا وكمان ما في تسع شهور وإلا مراته حامل وجابتله ولد أسود شفايفه كبار وشعره مجعد, نط الاستاذ وقالها:

ايه ده

قالت له: أنت بتروح على المدرسة وأنا بقعد بالبلكون جنوب إفريقي رايح وجنوب إفريقي جاية الظاهر إني توحمت على شي جنوب إفريقي.

قالها ما فيش مشكلة.

وبعد كده رجع على بلده على بيت أهله .. استقبلته أمه, واستغربت أشد الاستغراب وقالتله مين دول.

قالها:ولادي,

قالتله: ازاى,

فشرح لها أن مراته مرة توحمت على أوروبي ومرة على جنوب إفريقي,

فهزت راسها وقالتله : بتعرف يا ابني أنا كنت كده وقت ولادتك.

قالها: معقول ماما ولا مرة حكيتيلي على الموضوع ده.

قالتله : أبوك كان يروح على الأرض وأنا قاعدة بأرض الدار, حمار رايح حمار جاي

لغاية لما خلفتك

من متولي
ــــــــــــــــــــــــــــــ
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟
ـــــــــــــــــــــــــــ
واحد قاعد في أمان الله بيقرا الجرنان، وفجأة جت مراته وضربته بغطا الحلة
فوق دماغه... طرررررخ!!!
الزوج : "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا
الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
ـــــــــــــــــــــــــــــــــــ
واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
ـــــــــــــــــــــــــــــــ
مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المزيعة شكرا يا فندم ويلعن ام البرنامج اللى خلانا نشوف
ام وشك